من كام ساعة فيه بنت في كلية علوم الزقازيق وقعت من الدور الخامس ومـ* ـاتت

.

متابعه ضياء الشرقيه 

الدنيا مقلوبة في الزقازيق والبلد كلها بتتكلم عنها.

طيب إيه الحكاية؟

في كلية علوم الزقازيق، بنت اسمها (روان ناصر)، فجأة بتقع من الدور الخامس بشكل مرعب قدام الطلاب.

البنت دمها كله بيتصفى، وبتفضل نص ساعة بتصارع الموت.

الكلية اتقلبت وحصلت حالة هلع.

الكارثة مش في كدا، الكارثة إن كلية علوم جنب كلية طب تقريبًا بينهم كيلو يعني دقيقتين بأي عربية، البنت فضلت حوالي نص ساعة على الأرض بتطلع في الروح لحد ما الإسعاف جت خدتها وهي خلاص روحها بتطلع.

فيه دكتور اقترح ياخدها كلية الطب بعربيته ولكن المسئولين هناك رفضوا إن حد يلمسها.

الطلاب هناك بيقولوا إن المسئولين في الكلية كانوا بيتعاملوا مع الموضوع بمنتهى البرود وعدم المسئولية وسابوا البنت تمـ* ـوت قدام عين زمايلها.

ولما حد كان بيصور كانوا بياخدوا تليفونه والكارنية بتاعه.

الطلاب بيقولوا إن الإسعاف لما وصل تعاملوا مع الموضوع بمنتهى البرود وعدم المهنية وكانوا بيتحركوا ببطء شديد.

كمان لما البنت وصلت المستشفى رفضوا إن حد يدخل معاها علشان الطلاب زمايلها مكنش معاهم إثبات شخصية.

ماحدش عارف لحد دلوقتي البنت وقعت ازاي، ومافيش لسه أي تحقيق اتفتح علشان نعرف إذا كانت جـ* ـريمة بفعل فاعل ولا لا.

المصيبة الأكبر إن الكلية مفيهاش كاميرات، يعني علشان تعرف الجاني وتحقق في الواقعة وتتأكد إذا كانت جريمة أو لا، هنرجع لعصر ما قبل التكنولوجيا علشان نثبت مين القـ* ـاتل ويتفتح تحقيق يقعد شهور وممكن تتأيد في النهاية ضد مجهول أو انتحار أو تعثر أدى لسقوط.

الله أعلم البنت وقعت ازاي خصوصًا إن ماحدش شافها وهي بتقع.

ولكن بنناشد الحكومة المصرية في فتح تحقيق عاجل ومحاسبة كل من تخازل في حق البنت.

والله يرحمها ويصبر أهلها.

شير علشان غيرك يعرف.

وما زلنا من خلال الصفحة هنا بنحاول نوصل صوتنا كالعادة والحمد لله وجودكم فارق كتير...